Клучот е во твои раце

“Секогаш е полесно кога на патот кон позитивните промени ќе наидеме на личност како Марија. Да, да, да, одличен психолог по професија. Но, ќе ви биде и: “Отворач на очи, Вдахнувач на душевен мир, Таблета за смирување, Хормон на среќа и тн.“ А се со цел да бидеме подобрата верзија од самите себе, да се сакаме, почитуваме и постојано надоградуваме.

Ти благодарам што постоиш и што моето подобро „јас“ ја доживува светлината на денот покрај тебе.”

“Не знам како би можела да доловам колку сум ти благодарна што ми помагаш да го достигнам својот мир. Без разлика на ситуацијата, постигнав да сум мирна и задоволна со себе. Што уствари е и најголемата среќа! Од разговорите со тебе сфатив дека откако ќе го кажам она што ми минува низ глава и ти ќе ми дадеш совет и насоки, некако после сѐ полесно доживувам и остварувам. Дефинитивно успеа да ми го смениш погледот на животот и на себе и тоа само на позитивно. Она што најмногу сум ти благодарна е што ме научи дека има излез и решение за секоја ситуација.”

“Hello најдобра. Ти благодарам најмногу! Од кога започнав да работам со тебе навистина почнав да гледам многу поразлично низ призмата на животот, а за мене од голема важност што ми помогна за полесно себеспознавање, развивање и растење во психички стабилна личност. Ми се допаѓа концептот на работа по кој што работиме затоа што навистина знаеш како да го поттикнеш човек да работи на себе, да најде време за себе и да стекне навика за тоа како да работи и понатаму на себе. И да не заборавам ти си личност што секој би ја посакал да ја има покрај себе и како психолог и како пријател! ❤️“

“Драга Марија, пред сѐ сакам да ти се заблагодарам најпрво на пружената помош од твоја страна, а потоа и на пријателскиот начин кој што го имаш спрема твоите клиенти. Благодарност голема за тоа што сум денес од твоја страна, имавме доста сеанси поминато заедно, твојата помош е ВРВНА! Разликата пред тоа и после тоа е огромна, затоа тие што сеуште се двоумат воопшто да не се предомислуваат, бидејќи промената после сеансите со тебе ќе им биде лек на душата.“

“Работењето со Марија ми помогна подлабоко да навлезам во разбирањето на моето “јас“, на моите чувства и емоции. Ми помогна најпрво да се ослободам од моите ограничувања, да излезам од мојата комфорна зона и да почнам да искажувам емоции. Самите сеанси се структурирани како пријателски разговор, со што се губи срамот или стравот да се зборува за себе. Марија како психолг се труди на максимален начин да го насочи клиентот кон позитивно размислување и позитивни промени, со што другиот дел од работата останува на самиот клиент, односно да ги почитува сите препораки и совети од сеансите. Успехот е дефинитивно загарантиран доколку работата е обострана.“

“Не можам да му кажам на некого да посети психолог, а тој самиот не сака да види дека има потреба од разговор. Но, јас, после сеансите со Марија која ја запознав преку Instagram, направи да не се чувствувам помалку вредно од секој еден за кој мислев дека е подобар од мене. Ми нагласуваше дека сум супер мајка која ги сака своите деца, дека сум жена која вреди штом има таков паметен маж. Марија е психолог кој ќе ти стопли душа со секој еден збор, совет, ќе те разнежни со секоја нејзина насмевка при разговор, ќе те освести со нејзината строгост.“

“Марија, добро е познато дека не носам добри одлуки во животот, но тоа што се одлучив да ви се обратам Вас беше најдобрата одлука во животот и секако најдоброто нешто што го сторив за себе. Само од неколку сеанси ми помогнавте да откријам многу работи за себе. 

Thank you for your kindness, it gives me hope in humanity!“

“Преда да те запознаам бев во катастрофална состојба, животот ми беше кафе, цигари и спиење. Постојано барав излез и спас, сакав да избегам од себе си и ништо од тоа... Си викав “ајде ма сигурно не мислиш дека ќе најдеш психолог како на филмовите и сѐ ќе ти помине, гледаш дека едвај те слушаат“ АМА најдов, сепак постоел! Ти благодарам што ме врати во живот, што ме извади од калта, ме затресе и ме пушти да продолжам посилна!“

“My best friend ❤️. Никогаш никој во животов не ми дал соодветен совет за моите проблеми ниту пак му биле толку важни, Марија ми помогна да надминам сѐ на наједноставен начин. Психичкиот терет е најголем терет кој го имаме, треба да се бара помош од професионалец, жалењето наоколу ти одзема време и енергија и не ти нуди соодветно решение ниту светлина во целото црнило кое го гледаш. Парите кои ќе ги дадеш ќе бидат единствените потрошени од кои си имал најголем бенефит. Топло ви ја препорачувам ❤️“

“Мила моја Марија, Толку многу прекрасни зборови и работи имам да напишам и кажам за твојата: целосна посветеност, време, трпение, внимание, позитивен став и гледање на работите, вложувањето твое целосно кон мене за јас да успеам и да ги решавам и реализиам моите цели. Од цела душа и срце ти Благодарам за сите моменти кои ги поминавме и решивме и уште ги решаваме заедно. Благодарна сум ти до небо што ме научи и учиш на вистинските вредности во животот и вербата во себе. Ти благодарам што те запознав и те имам во животот. 🍀“

“Пред се сум ти многу благодарна, во моменти кога добивам паника почнав да се контролирам со помош на вежбите што ги добив. Гледам дека има подобрување и дека сето тоа би се средило. Инаку после долго време конечно сама возам и излегувам од дома. Уште еднаш ти благодарам! ❤️“

“Среќна сум што уште на почеток кај мене многу помагаше секој твој збор и влеваше надеж и се чувствував подобро. Знам дека еден ден со тебе ќе кажеме Чаоооо победивме! (Знаеш дека сакам да победувам 😄) Ама ова само со тебе го можам! 

Ти благодарам што те имам, што заедно сме посилни и успеваме ❤️ Ти си благодет од Бога.“

“Драга Марија од добра почва се раѓаат добри плодови. Од добар учител - добри ученици. До мисла добра, од добар совет. Тука си кога помош се бара и кога телото со другиот се кара. Благодариме за секој убав збор и поддршка. Ни овозможи да уживаме во нашиот брак и да бидеме подобри родители за нашите деца.“

“Благодарение на вас сфатив дека никогаш нема да се вратам назад да... Но, еве ме денеска многу посреќна, похрабра и без стравови. Ви Благодарам од ❤️ што ми покажавте дека се што доаѓа во нашите животи е со причина и најбитното секогаш е за наше најдобро. Сакам да ги охрабрам сите нови мајки без разлика дали им е прво, второ, трето дете... дека воопшто не е срамно да се побара стручна помош да се надмине тој период само со една и единствена цел да поминувате што поквалитетно време со вашите деца, присутни, радосни, среќни што ги имаме во нашите животи. Марија ТИ БЛАГОДАРАМ и се надевам ќе останеме во контакт.“

“Многу се радувам што те запознав. Многу се радувам што ми помогна да се вратам во сегашноса и повторно да се запознаам себе си, да се разберам себе и своите емоции и да се прифатам таква каква што сум. Да бидам благодарна за сѐ што имам, а да се биде благодарен е првиот чекор до среќата! Затоа, ТИ БЛАГОДАРАМ за секој совет, за секој убав збор, за сѐ.
Ти благодарам од дното на душата. Ти посакувам многу здравје, среќа и сила за да продолжиш да им помагаш на тие што имаат потреба и желба да направат најдобра верзија од себе ❤️😇“